תהלים נ': הבדלים בין גרסאות בדף

| כותרת = תהלים נ' {{ש}} מִזְמוֹר לְאָסָף

| תוכן = '''א:''' מִזְמוֹר לְאָסָף אֵ-ל אֱ‍-לֹהִים ה' דִּבֶּר וַיִּקְרָא אָרֶץ מִמִּזְרַח שֶׁמֶשׁ עַד מְבֹאוֹ.{{ש}}

'''ב:''' מִצִּיּוֹן מִכְלַל יֹפִי אֱ-לֹהִים הוֹפִיעַ.{{ש}}

'''ג:''' יָבֹא אֱ-לֹהֵינוּ וְאַל יֶחֱרַשׁ אֵשׁ לְפָנָיו תֹּאכֵל וּסְבִיבָיו נִשְׂעֲרָה מְאֹד.{{ש}}

'''ד:''' יִקְרָא אֶל הַשָּׁמַיִם מֵעָל וְאֶל הָאָרֶץ לָדִין עַמּוֹ.{{ש}}

'''ה:''' אִסְפוּ לִי חֲסִידָי כֹּרְתֵי בְרִיתִי עֲלֵי זָבַח.{{ש}}

'''ו:''' וַיַּגִּידוּ שָׁמַיִם צִדְקוֹ כִּי אֱ-לֹהִים שֹׁפֵט הוּא סֶלָה.{{ש}}

'''ז:''' שִׁמְעָה עַמִּי וַאֲדַבֵּרָה יִשְׂרָאֵל וְאָעִידָה בָּךְ אֱ-לֹהִים אֱ-לֹהֶיךָ אָנֹכִי.{{ש}}

'''ח:''' לֹא עַל זְבָחֶיךָ אוֹכִיחֶךָ וְעוֹלֹתֶיךָ לְנֶגְדִּי תָמִיד.{{ש}}

'''ט:''' לֹא אֶקַּח מִבֵּיתְךָ פָר מִמִּכְלְאֹתֶיךָ עַתּוּדִים.{{ש}}

'''י:''' כִּי לִי כָל חַיְתוֹ יָעַר בְּהֵמוֹת בְּהַרְרֵי אָלֶף.{{ש}}

'''יא:''' יָדַעְתִּי כָּל עוֹף הָרִים וְזִיז שָׂדַי עִמָּדִי.{{ש}}

'''יב:''' אִם אֶרְעַב לֹא אֹמַר לָךְ כִּי לִי תֵבֵל וּמְלֹאָהּ.{{ש}}

'''יג:''' הַאוֹכַל בְּשַׂר אַבִּירִים וְדַם עַתּוּדִים אֶשְׁתֶּה.{{ש}}

'''יד:''' זְבַח לֵא-לֹהִים תּוֹדָה וְשַׁלֵּם לְעֶלְיוֹן נְדָרֶיךָ.{{ש}}

'''טו:''' וּקְרָאֵנִי בְּיוֹם צָרָה אֲחַלֶּצְךָ וּתְכַבְּדֵנִי.{{ש}}

'''טז:''' וְלָרָשָׁע אָמַר אֱ-לֹהִים מַה לְּךָ לְסַפֵּר חֻקָּי וַתִּשָּׂא בְרִיתִי עֲלֵי פִיךָ.{{ש}}

'''יז:''' וְאַתָּה שָׂנֵאתָ מוּסָר וַתַּשְׁלֵךְ דְּבָרַי אַחֲרֶיךָ.{{ש}}

'''יח:''' אִם רָאִיתָ גַנָּב וַתִּרֶץ עִמּוֹ וְעִם מְנָאֲפִים חֶלְקֶךָ.{{ש}}

'''יט:''' פִּיךָ שָׁלַחְתָּ בְרָעָה וּלְשׁוֹנְךָ תַּצְמִיד מִרְמָה.{{ש}}

'''כ:''' תֵּשֵׁב בְּאָחִיךָ תְדַבֵּר בְּבֶן אִמְּךָ תִּתֶּן דֹּפִי.{{ש}}

'''כא:''' אֵלֶּה עָשִׂיתָ וְהֶחֱרַשְׁתִּי דִּמִּיתָ הֱיוֹת אֶהְיֶה כָמוֹךָ אוֹכִיחֲךָ וְאֶעֶרְכָה לְעֵינֶיךָ.{{ש}}

'''כב:''' בִּינוּ נָא זֹאת שֹׁכְחֵי אֱ-לוֹהַּ פֶּן אֶטְרֹף וְאֵין מַצִּיל.{{ש}}

'''כג:''' זֹבֵחַ תּוֹדָה יְכַבְּדָנְנִי וְשָׂם דֶּרֶךְ אַרְאֶנּוּ בְּיֵשַׁע אֱ-לֹהִים.}}