משתמש:ד.ר/תהלים קט"ז: הבדלים בין גרסאות בדף

| תוכן = (א) אָהַבְתִּי, כִּי-יִשְׁמַע יְהוָה- אֶת-קוֹלִי, תַּחֲנוּנָי.{{ש}}

(ב) כִּי-הִטָּה אָזְנוֹ לִי;   וּבְיָמַי אֶקְרָא.{{ש}}

(ג) אֲפָפוּנִי, חֶבְלֵי-מָוֶת--וּמְצָרֵי שְׁאוֹל מְצָאוּנִי;   צָרָה וְיָגוֹן אֶמְצָא.{{ש}}

(ד) וּבְשֵׁם-יְהוָה אֶקְרָא:   אָנָּה יְהוָה, מַלְּטָה נַפְשִׁי.{{ש}}

(ה) חַנּוּן יְהוָה וְצַדִּיק;   וֵאלֹהֵינוּ מְרַחֵם.{{ש}}

(ו) שֹׁמֵר פְּתָאיִם יְהוָה;   דַּלֹּתִי, וְלִי יְהוֹשִׁיעַ.{{ש}}

(ז) שׁוּבִי נַפְשִׁי, לִמְנוּחָיְכִי:   כִּי-יְהוָה, גָּמַל עָלָיְכִי.{{ש}}

(ח) כִּי חִלַּצְתָּ נַפְשִׁי, מִמָּוֶת:   אֶת-עֵינִי מִן-דִּמְעָה; אֶת-רַגְלִי מִדֶּחִי.{{ש}}

(ט) אֶתְהַלֵּךְ, לִפְנֵי יְהוָה--   בְּאַרְצוֹת, הַחַיִּים.{{ש}}

(י) הֶאֱמַנְתִּי, כִּי אֲדַבֵּר;   אֲנִי, עָנִיתִי מְאֹד.{{ש}}

(יא) אֲנִי, אָמַרְתִּי בְחָפְזִי:   כָּל-הָאָדָם כֹּזֵב.{{ש}}

(יב) מָה-אָשִׁיב לַיהוָה--   כָּל-תַּגְמוּלוֹהִי עָלָי.{{ש}}

(יג) כּוֹס-יְשׁוּעוֹת אֶשָּׂא;   וּבְשֵׁם יְהוָה אֶקְרָא.{{ש}}

(יד) נְדָרַי, לַיהוָה אֲשַׁלֵּם;   נֶגְדָה-נָּא, לְכָל-עַמּוֹ.{{ש}}

(טו) יָקָר, בְּעֵינֵי יְהוָה--   הַמָּוְתָה, לַחֲסִידָיו.{{ש}}

(טז) אָנָּה יְהוָה, כִּי-אֲנִי עַבְדֶּךָ: אֲנִי-עַבְדְּךָ, בֶּן-אֲמָתֶךָ; פִּתַּחְתָּ, לְמוֹסֵרָי.{{ש}}

(יז) לְךָ-אֶזְבַּח, זֶבַח תּוֹדָה;   וּבְשֵׁם יְהוָה אֶקְרָא.{{ש}}

(יח) נְדָרַי, לַיהוָה אֲשַׁלֵּם;   נֶגְדָה-נָּא, לְכָל-עַמּוֹ.{{ש}}

(יט) בְּחַצְרוֹת, בֵּית יְהוָה--   בְּתוֹכֵכִי יְרוּשָׁלִָם:{{ש}}