איז דאך פארשטאנדיק, אז איצטער האלט מען שוין בא דעם מצב אז דער גוף הגשמי און אפילו גשמיות העולם איז שוין אינגאנצן נתברר ונזדכך געווארן, און איז א "כלי" מוכן אויף אלע אורות וענינים רוחניים, כולל ובעיקר ־ אורו של משיח צדקנו, אור הגאולה האמיתית והשלמה, ביז אויך ־ אויף גילוי פשיטות העצמות פון עצמות ומהות ית, ווי עס ווערט נתגלה אין פשיטות העצמות פון משיח צדקנו (שלמעלה מבחינות יחידה ומכל השמות ודרגות והשפעות כו) און דורך דעם ־ ווערט עס נתגלה אין דער פשיטות פון יעדער איד,
'אין די איינציקע זאך וואס פעלט איז אז א איד זאל אויפעפענען זיינע אויגן כדבעיטקסט מוגדל<, וועט ער זען ווי אלץ איז שוין גרייט צו דער גאולה! מהאט שוין דעם "שולחן ערוך", מהאט שוין דעם דעם לויתן ושור הבר ויין המשומר, און אידן זיצן שוין באם טיש ־ שולחן אביהם (מלך מלכי המלכים הקב"ה), צוזאמען מיו משיח צדקנו (ווי עס שטייט אין ספרים אז בכל דור ודור איז דא " א מזרע יהודה שהוא ראוי להיות משיח"), ובדורנו נשיא דורנו כ"ק מו"ח אדמו"ר, און נאך ארבעים שנה פון הסתלקות כ"ק מו"ח אדמו"ר האט מען שוין אויך "לב לדעת ועינים לראות ואזנים לשמוע:
איצטער דארף נאר זיין כאמור, אז מזאל אויפעפענען דעם "לב לדעת" און אויפעפענען די "עינים לראות" און אויפעפענען די "אזנים לשמוע", און עד"ז ־ אויסנוצן אלע רמ"ח אברים און שס"ה גידים הגשמיים ־ נוסף אויף לימוד התורה וקיום המצוות בכלל (רמ"ח מ"ע כנגד רמ"ח אברים ושס"ה מל"ת כנגד שס"ה גידים) ־אויף לימוד פנימיות התורה כפי שנתגלתה בתורת החסידות וקים הוראות רבותינו נשיאינו, כולל ־ לערנען וועגן עניני גאולה, אין אן אופן אז דאס זאל אויפעפענען דעם לב ועינים ואזנים ־ מזאל פארשטיין, שען און הערן בפשטות ממש אין גשמיות העולם ־ די גאולה האמיתית והשלימה בפועל ממש, און לערנען תורתו של משיח (פנימיות התורה) באופן של ראייה, וואס דאס אלץ איז שוין דא מן המוכן, מדארף נאר אויפעפענען די אויגן וועט מען עס זען!